Rydym yn chwilio am Swyddog Cyllid / Cyfrifydd!

CYMDEITHAS ERYRI CYMDEITHASFA ERYRI

Rhif cofrestru’r Comisiwn Elusennau 1155401

 Rydym yn chwilio am Swyddog Cyllid / Cyfrifydd!

10 awr yr wythnos, ar sail hunangyflogedig

£17.71 yr awr

Mae Cymdeithas Eryri yn elusen gofrestredig sy’n gwneud gwaith cadwraeth ac ymgyrchu i warchod tirweddau anhygoel Eryri a galluogi eu mwynhad cyfrifol, rwan a gan genedlaethau’r dyfodol. Trwy ein rhaglen Dwylo Diwyd a’i wirfoddolwyr niferus rydym yn darparu cymorth ymarferol i gynnal a chadw llwybrau troed, clirio sbwriel a rheoli rhywogaethau ymledol. Rydym yn helpu i adfer natur trwy ein gwaith mewn partneriaeth ar gynefinoedd a rhywogaethau o’r draethlin i gopa’r mynydd.

Rydym hefyd yn defnyddio ein llais annibynnol i ymateb i gynigion cynllunio arwyddocaol ac rydym yn cyfrannu at ymgynghoriadau cenedlaethol a lleol ynghylch dyfodol ein hamgylchedd gwerthfawr a’n treftadaeth ddiwylliannol ac ieithyddol. Mae gennym dîm o 9 aelod o staff a throsiant blynyddol o tua £280,000 yn deillio o roddion, cymynroddion, tanysgrifiadau aelodaeth a chontractau, ynghyd â grantiau yr ydym yn atebol i amrywiaeth o gyrff ariannu allanol amdanynt.

Mae Bwrdd yr Ymddiriedolwyr yn atebol am y gwaith a wneir gan y Gymdeithas ac yn gweithio’n agos gyda’r tîm sy’n gyfrifol am y gweithrediadau o ddydd i ddydd. Mae’r Gymdeithas yn defnyddio Cyfrifon Liberty ar gyfer cynhyrchu adroddiadau incwm a gwariant fesul cronfeydd a gweithgareddau, sefydlu a monitro cyllidebau a chwblhau’r Cyfrif Terfynol diwedd blwyddyn. Fe’i cynlluniwyd i’w ddefnyddio gan elusennau ac mae’n cynnal modiwlau hyfforddi rheolaidd i sicrhau ei bod yn hawdd ei defnyddio, yn ogystal â diweddariadau a gwelliannau meddalwedd cyfnodol.

Rydym angen gwasanaeth Swyddog Cyllid / Cyfrifydd am tua 10 awr yr wythnos, gyda gwaith ychwanegol achlysurol yn ôl yr angen, gyda thâl ychwanegol. Mae hyblygrwydd sylweddol yn y ffordd y caiff yr oriau eu gweithio. Yn y cartref yn bennaf gyda chyfarfodydd achlysurol yn y swyddfa a lleoliadau eraill yng ngogledd Cymru. Rheolwr llinell y contract hwn yw’r Cyfarwyddwr. Mae’r Swyddog Cyllid / Cyfrifydd yn gyfrifol am baratoi adroddiadau rheolaidd ar gyfer y Cyfarwyddwr, y Pwyllgor Cyllid a Llywodraethu a Bwrdd yr Ymddiriedolwyr, ac am gydgysylltu’r gwaith o gynhyrchu Cyfrifon Blynyddol yr elusen gan yr archwilwyr annibynnol penodedig.

Prif gyfrifoldebau

1. Cefnogi a gweithio gyda’r Cyfarwyddwr a’r Rheolwr Rhaglen i sicrhau bod yr holl gyfrifon yn glir, wedi’u rheoli’n dda ac yn cydymffurfio â chanllawiau SORP fel bod cyllidebau, rhagolygon ac adroddiadau ariannol yn cael eu cwblhau ar gyfer y Cyfarwyddwr, y Pwyllgor Cyllid a Llywodraethu a Bwrdd yr Ymddiriedolwyr yn gywir ac yn amserol.
2. Sicrhau bod adroddiadau cyllideb yn cael eu hail-gyfrifo’n chwarterol er mwyn darparu darlun clir, gwybodus o incwm a gwariant a ragwelir yn y dyfodol ac amrywiadau posibl a meysydd risg posibl i’r sefyllfa ariannol diwedd blwyddyn.
3. Cynghori ar fforddiadwyedd costau a dangosyddion perfformiad allweddol sy’n galluogi’r Gymdeithas i asesu effaith adnoddau ariannol ac unrhyw arbedion effeithlonrwydd y mae angen eu gwneud.
4. Rheoli cyfrifon banc y Gymdeithas a chynhyrchu llif arian chwarterol yn amlygu unrhyw gamau gweithredu sydd eu hangen ar y Cyfarwyddwr a’r Ymddiriedolwyr, yn ôl yr angen.
5. Darparu naratif ar y gwahanol ffynonellau cyllid gan ddefnyddio mewnbwn gan y Cyfarwyddwr, y Rheolwraig Rhaglen ac aelodau eraill o’r tîm fel y bo’n berthnasol i sicrhau monitro cywir a chyfredol o godi arian o roddion, cymynroddion, tanysgrifiadau aelodaeth, buddsoddiadau a grantiau, gan roi cyngor ar fylchau, problemau a chyfleoedd.
6. Darparu cyngor ar lifoedd arian i mewn ac allan o gronfeydd wrth gefn CESS a gynhyrchir gan adneuo incwm neu’r angen i dynnu arian wrth gefn i gwrdd â chostau eithriadol.
7. Sicrhau bod rheolaethau ariannol mewnol priodol yn eu lle ac yn cael eu dilyn gan gynnwys ar gyfer arian mân.
8. Prosesu a sicrhau bod taliadau cyflog a wneir i staff yn cydymffurfio â phenderfyniadau’r Ymddiriedolwyr ac â’r gofynion ar gyfer didynnu treth incwm, yswiriant gwladol, cyfraniadau pensiwn ac unrhyw ddidyniadau eraill fel sy’n ofynnol yn ôl y gyfraith.
9. Talu anfonebau, ad-dalu treuliau staff, ymddiriedolwyr a gwirfoddolwyr a sicrhau bod y rhain yn destun rheolaethau priodol.
10. Cynhyrchu Cyfrif Terfynol y Gymdeithas ar raglen Liberty ar gyfer yr archwiliwr annibynnol.
11. Cyfrannu adroddiad byr, ysgrifenedig i’r Adroddiad Blynyddol a chyflwyno’r cyfrifon i’r aelodau yn y Cyfarfod Cyffredinol Blynyddol (CCB).
12. Sicrhau bod archwilwyr ariannol yn cael eu penodi ac yn cael y wybodaeth angenrheidiol ar gyfer yr archwiliad annibynnol blynyddol o Gyfrif Terfynol y Gymdeithas.
13. Sicrhau bod problemau a nodir yn ystod unrhyw archwiliad annibynnol neu archwiliad yn ystod y flwyddyn ynghylch cyllid a systemau ariannol y Gymdeithas yn cael eu dwyn i sylw’r Ymddiriedolwyr a’u datrys cyn gynted â phosibl.
14. Sicrhau pan fydd treth yn cael ei hadennill bod y gweithdrefnau cywir yn cael eu dilyn a bod cofnodion yn cael eu cadw fel sy’n ofynnol gan HMRC.
15. Cydgysylltu â banc, broceriaid a chynghorwyr ariannol y Gymdeithas ar reoli ei hasedau.

Gall y dyletswyddau a’r cyfrifoldebau uchod amrywio heb newid cymeriad na lefel y cyfrifoldebau.

Manyleb person

Diddordeb? Sut i wneud cais

Dylid cyflwyno ceisiadau fel llythyr eglurhaol sy’n amlinellu’n glir sut yr ydych yn bodloni gofynion allweddol y swydd hon. Gallwch hefyd atodi CV os dymunwch, ond cofiwch na fydd CV ar ei ben ei hun yn cael ei ystyried.

• Dyddiad cau ar gyfer ceisiadau: 3 Mawrth 2025
• Gwnewch gais drwy e-bost at director@snowdonia-society.org.uk gan gynnwys ‘Finance Officer’ yn y llinell bwnc
• Bydd ymgeiswyr ar y rhestr fer yn cael eu hysbysu ar 6 Mawrth
• Disgwylir cynnal cyfweliadau ar 10 Mawrth