Yn gynharach y mis hwn derbyniodd Gymdeithas Eryri gyfraniad hael oddi wrth yr aelod tymor hir Richard Bridges er cof am ei fodryb hoff Marie (llun isod) a fu farw y llynedd.
Ymunodd Richard â Chrwydro’r Carneddau y Gymdeithas ym mis Ebrill a soniodd wrth y Swyddog Ymwneud â’r Cyhoedd Claire fod ei rodd yn gydnabyddiaeth o harddwch Eryri ac er cof am Marie, gan fod “ei phersonoliaeth hyfryd, cartref ger y môr a bwyd cartref blasus wedi arwain at lawer o atgofion plentyndod hapus. Roedd ganddi ddiddordeb mawr yn fy holl weithgareddau, yn cynnwys fy nghariad tuag at fyd natur a’r awyr agored.”
Yn aelod o Gymdeithas Eryri ers dro 30 mlynedd, mae Richard yn cofio amryw o deithiau dringo i’r Parc Cenedlaethol yn ystod ei gyfnod ym Mhrifysgol Warwick. “Roeddem yn teithio mor rheolaidd i Eryri fel ein bod yn adnabod pob troad yn ffordd yr A5!”
Mae Cymdeithas Eryri yn hynod o ddiolchgar i Richard am ei gyfraniad hael er cof am ei fodryb, ac am ei ymrwymiad i’r Parc Cenedlaethol sy’n golygu cymaint iddo.
Mae Cymdeithas Eryri, a sefydlwyd ym 1967, yn elusen gofrestredig sy’n seiliedig ar aelodau sy’n gweithio i ddiogelu a gwella harddwch a rhinweddau arbennig Eryri ac i hyrwyddo eu mwynhad er budd pawb sy’n byw, gweithio yn yr ardal neu’n ymweld â hi nawr ac yn y dyfodol.
JOIN as a member to support our work.
The Snowdonia Society
Caban, Brynrefail, Caernarfon, Gwynedd LL55 3NR
info@snowdonia-society.org.uk
