Mae Cymdeithas Eryri wedi cynnal ei pedwerydd ‘Penwythnos Mentro a Dathlu’ eleni, gyda phartneriaid, noddwyr, gwirfoddolwyr a staff yn dod ynghyd wedi 18 mis heriol. Gwireddwyd nifer o orchwylion ymarferol i helpu i warchod harddwch, rhywogaethau a chynefinoedd Parc Cenedlaethol Eryri:
• Cliriwyd 15kg o sbwriel anodd-ei-gyrraedd o Lyn Padarn gyda chanŵ.
• Cliriwyd egin goed coniffer ymledol o 16 hectar o fawnogydd gwerthfawr.
• Cliriwyd 17m² o brysgwydd eithin o anheddiad cynhanesyddol yn y Carneddau.
• Ailgylchwyd dwsinau o boteli plastig, gwydr, caniau a chwpanau papur o lwybr Watkin yr Wyddfa.
• Casglwyd pwcedi o hadau coed criafol, drain gwynion a chyll ar gyfer projectau plannu gan Goed Cadw yn y dyfodol.
• Cliriwyd 20m o ffensio a dwsinau o diwbiau plastig coed ifanc o safle coedlan frodorol.
• Cliriwyd hanner acer o brysgwydd i ddarparu cynefin tywod agored ar gyfer infertebratau prin y twyni.
• Gwnaed gwaith cynnal a chadw ar 13km o lwybrau ar dir yr Ymddiriedolaeth Genedlaethol.
Mae Cymdeithas Eryri, a sefydlwyd ym 1967, yn elusen gofrestredig sy’n seiliedig ar aelodau sy’n gweithio i ddiogelu a gwella harddwch a rhinweddau arbennig Eryri ac i hyrwyddo eu mwynhad er budd pawb sy’n byw, gweithio yn yr ardal neu’n ymweld â hi nawr ac yn y dyfodol.
JOIN as a member to support our work.
The Snowdonia Society
Caban, Brynrefail, Caernarfon, Gwynedd LL55 3NR
info@snowdonia-society.org.uk
