Rydym yn recriwtio Prif Swyddog Cadwraeth

Awst 5, 2024
4:44 pm

Disgrifiad Swydd: Prif Swyddog Cadwraeth

Oriau: 37.5 awr/wythnos (i’w drafod), parhaol. Mae angen rhywfaint o weithio ar y penwythnos.

Tâl cychwynnol: £25,942 pro rata

Lleoliad: Hybrid: Gweithio ledled Eryri, gyda rhywfaint o weithio o adref ag or swyddfa
Yn adrodd i: Rheolwr Rhaglen

Yn adrodd yn uniongyrchol: Hyfforddedigion y Gymdeithas

Dyddiad cau’r cais: 09:00 Dydd Llun 19 Awst 2024

Dyddiad y cyfweliad: Dydd Mercher 28 Awst 2024

Dyddiad cychwyn: Cyn gynted â phosib a dim hwyrach na mis Hydref 2024

Cefndir Cymdeithas Eryri:

Mae Eryri yn ardal arbennig sy’n cynnal cynefinoedd a bywyd gwyllt sy’n bwysig yn genedlaethol ac yn rhyngwladol. O ganlyniad i newid hinsawdd a’r argyfwng i fyd natur yn fyd-eang mae mwy o angen gwarchod Eryri nag erioed o’r blaen. Dyma ein nod – ni ydy’r elusen sy’n gweithio i warchod a chynnal Parc Cenedlaethol Eryri. Mae ein tîm ymroddedig o staff, ymddiriedolwyr, aelodau a gwirfoddolwyr yn gweithio’n ddiflino i sicrhau bod Eryri a’i chynefinoedd a’i bywyd gwyllt yn mynd i fod yma am byth.

Mae ein gwaith cadwraeth ymarferol yn rhan hanfodol o’n gwaith, ac mae arnom angen rhywun i ymuno â’n tîm i arwain a chydlynu ein rhaglen amrywiol yn y dyfodol. Rydym yn cydweithio ag ystod eang o bartneriaid ar orchwylion megis plannu coed, rheoli rhywogaethau ymledol a rheoli cynefinoedd i enwi ond ychydig. Rydym hefyd yn cydweithio mewn partneriaeth agos gydag Awdurdod Parc Cenedlaethol Eryri, yr Ymddiriedolaeth Genedlaethol a’r Bartneriaeth Awyr Agored ar ein rhaglen arloesol i wirfoddolwyr, Caru Eryri.

Mae arnom angen aelod newydd o’r tîm. Ydych chi’n unigolyn trefnus, brwdfrydig a gwybodus gyda phrofiad o arolygu tîm a chydlynu ac arwain gwaith cadwraeth ymarferol? Os felly, yna efallai mai dyma’r swydd i chi.

Buddion o ganlyniad i weithio i ni: 

Rydym yn gyflogwr gwir gyflog byw
Cyfraniad cyflogwr o 6% tuag at bensiwn
Gwaith sy’n gytbwys â bywyd ac sy’n hyblyg ac ystwyth gyda diwylliant o ymddiriedaeth
Cyfleoedd ar gyfer gweithio o gartref/o bell
Cefnogi buddiant staff gydag aelodaeth a rhaglen gefnogaeth bersonol 360 wellbeing i holl aelodau o staff
28 diwrnod o wyliau blynyddol yn ogystal â gwyliau banc (pro rata), yn codi wedi 5 mlynedd o wasanaeth
Termau rhagorol ar gyfer mamolaeth, tadolaeth, mabwysiadu ac egwyl rhieni wedi ei rannu, yn unol â hyd gwasanaeth cymwys.
Termau rhagorol ar gyfer tâl salwch (wedi i gyfnod prawf ddod i ben)
Rydym yn annog ac yn cefnogi pob aelod o staff i archwilio cyfleoedd datblygu

Gwaith cadwraeth ymarferol a hyfforddi gyda gwirfoddolwyr:

Arwain ar ddarparu rhaglen wirfoddoli ymarferol y Gymdeithas, yn cynnwys gwireddu allbynnau allweddol sy’n angenrheidiol i ateb ariannu grantiau allanol.
Trefnu ac arwain dyddiau gwaith gwirfoddolwyr, yn cynnwys cydlynu staffio/arweinwyr, asesiadau risg, recriwtio gwirfoddolwyr, trefniadau ymarferol, cyhoeddusrwydd cyfleoedd a gwaith a gwblheir, cofnodi gweithgaredd gwirfoddolwyr ac adrodd ar y gwaith a gyflawnir.
Arwain ar Iechyd a Diogelwch ar gyfer y rhaglen wirfoddoli ac, wedi hyfforddiant priodol, ar gyfer holl weithgareddau’r Gymdeithas; bod yn ymwybodol o arweiniad perthnasol, deddfwriaeth ac ymarfer gorau; cydlynu protocol Iechyd a Diogelwch (yn cynnwys Covid), cofnodi ac asesiadau risg.
Gweithio i sicrhau bod holl brotocol gwarchod yn cael ei ddilyn.
Hyfforddiant achrededig o fewn y Gymdeithas: wedi hyfforddiant digonol, byddwch yn cyfrannu i ddatblygiad unedau ac adnoddau newydd, yn trefnu ac yn arwain sesiynau hyfforddiant, rhoi asesiadau ar waith.
Partneriaethau ymarferol: gweithio gyda’r Rheolwr Rhaglen a Chyfarwyddwr, datblygu rhaglenni gwaith tymor hir; adnabod a blaenoriaethu cyfleoedd gwaith ymarferol gyda phartneriaid, sicrhau cyfathrebu da, casglu adborth a rhoi gwelliant parhaol ar waith.
Gweithio i gynyddu amrywiaeth ymysg y gwirfoddolwyr a gwella ansawdd profiadau gwirfoddolwyr.
Cyfrannu i’r gwaith ymarferol yn Nhŷ Hyll.

Rheoli, arolygu a datblygu staff:

9. Gweithredu fel Rheolwr Llinell hyfforddedigion y Gymdeithas (mae dau ar hyn o bryd). Eu cefnogi, sicrhau bod ganddyn nhw’r hyn sydd ei angen arnyn nhw i ddatblygu a gwireddu eu gwaith yn effeithiol a’u bod yn perfformio eu dyletswyddau yn foddhaol.

10. Cefnogi datblygiad staff cadwraeth, hyfforddedigion a’r rhai ar osodiadau profiad gwaith.

Cyfrifoldebau eraill:

11. Mewnbwn i fonitro a gwerthuso gwaith y Gymdeithas a, gyda staff eraill, datblygu dulliau effeithiol o adrodd ar effaith.

12. Cynrychioli’r Gymdeithas mewn digwyddiadau a gyda grwpiau, mewn partneriaethau ac yn y cyfryngau i ddatblygu cefnogaeth ar gyfer ein gwaith.

13.Cynorthwyo mewn meysydd eraill o waith y Gymdeithas fel bo angen

Manylion y person: 

Hanfodol 

Profiad o gynllunio, gweinyddu ac arwain gwaith cadwraeth ymarferol gyda gwirfoddolwyr 
Profiad o oruchwylio / arwain tîm 
Gwybodaeth ymarferol ac angerdd am Eryri a chadwraeth. 
Y gallu i fod yn hunan-ysgogol, trefnus a datrys problemau mewn sefyllfa waith ddeinamig 
Y gallu i gyfathrebu’n effeithiol yn y Gymraeg a’r Saesneg 
Gallu defnyddio Word, Excel a Powerpoint, i ddiweddaru gwefannau a’r cyfryngau cymdeithasol. 
Gall y rôl hon gynnwys gweithio gyda phobl ifanc o dan 18 oed ac oedolion y gellir eu hystyried yn agored i niwed neu mewn perygl. Bydd ar yr ymgeisydd llwyddiannus angen gwiriad DBS manylach boddhaol (a welir trwy danysgrifiad i’r Gwasanaeth Diweddaru neu drwy gais yn dilyn eich penodiad). 
Trwydded yrru gyfredol, a defnydd o gerbyd gydag yswiriant defnydd busnes – mae gwaith yn digwydd ar draws Eryri a bydd angen cludo offer llaw i’r safleoedd gwaith. Mae milltiroedd allan o’r swyddfa yn cael eu had-dalu.