Peri Hâf Smith

Peri yw ein Swyddog Datbly, a hi sy’n gyfrifol am recriwtio aelodau newydd amrywiol, aelodau busnes, cefnogwyr a gwirfoddolwyr, fel ein bod yn gallu parhau i gael dylanwad positif. Mae hi hefyd yn cynorthwyo gyda datblygu a gwireddu rhaglen o ddigwyddiadau a gweithgareddau cyhoeddus i ehangu proffil y Gymdeithas. Mae Peri yn gweithio ar adnabod a datblygu ffrydiau nawdd a chodi arian newydd a ffynonellau refeniw posibl eraill i gefnogi gwaith y Gymdeithas.

Yn ei hamser hamdden mae Peri’n hoffi dringo creigiau, nofio yn ein llynnoedd neu gerdded mynyddoedd. Mae hi hefyd yn mwynhau peintio, gan ddefnyddio olew acrylig ar gynfas a pheintio ambell i furlun. Wedi byw yng ngogledd Cymru ar hyd ei hoes, mae gwaith celf Peri wedi ei ysbrydoli gan fyd natur a golygfeydd lleol, yn benodol y rhai sydd yn Eryri. Mae hi wrth ei bodd yn ymgorffori ei syniadau a’i dyluniadau creadigol yn ei rôl gyda’r Gymdeithas pob cyfle mae hi’n ei gael!