Gardd natur a choetir Tŷ Hyll

Mae gardd bywyd gwyllt a choetir Tŷ Hyll yn cynnwys planhigion a ddewiswyd yn ofalus i ddenu adar a phryfed peillio megis gloÿnnod byw, gwyfynod, gwenyn a chacwn. Cânt eu rheoli’n annwyl ac yn organig gan wirfoddolwyr ymroddedig.

Golygfeydd, adar yn canu, gwenyn a brogaod

Mae rhwydwaith o lwybrau a meinciau yn caniatáu i chi fwynhau blodau’r ardd a natur y coetir, a gwelir golygfeydd o Afon Llugwy a Moel Siabod trwy’r coed. Gwrandewch ar gân yr adar a siffrwd mamaliaid bychan a phryfed yn yr isdyfiant. Gwyliwch am wybedog brith yn nythu yn y gwanwyn, ystlumod yn y cyfnos, a brogaod, madfallod y dŵr a gweision y neidr o amgylch y pwll bywyd gwyllt.

Lawrlwytho ein map

Crwydrwch o amgylch gardd a choetir Tŷ Hyll gan ddilyn ein map hardd. Lleolir ein cychod gwenyn yn y coetiroedd yn ddigon pell o’r llwybrau; gallwch weld y gwenyn prysur wrth eu gwaith ond gochelwch rhag amharu arnynt.

Gallwch helpu!

Mae’r ardd a’r coetir yn cael eu rheoli’n gariadus gan dîm o wirfoddolwyr ymroddedig a mae croeso mawr i chi helpu.

Gweler cyfleodd gwirfoddoli
Cyfrannu nawr arlein
Neu yn y blychau yn Tŷ Hyll.

Llwybrau cerdded lleol

Gallwch fforio i’r ardal o gwmpas Tŷ Hyll drwy ddilyn Llwybrau Cerdded Tŷ Hyll.

Mynediad hygyrch

Braslun yw hwn. Gweler ein Datganiad Mynediad am fanylion llawn.
Rydym yn croesawu cŵn cymorth ymhob rhan o’r tŷ a’r tiroedd
Mae un lle parcio wedi’i neilltuo i ddeiliaid Bathodyn Glas yn y maes parcio uchaf
Nid yw’r brif fynedfa yn hygyrch i gadeiriau olwyn; awgrymir i ddefnyddwyr cadeiriau olwyn ddefnyddio’r ail fynedfa tua 10 medr ymhellach i fyny’r isffordd
Gellir defnyddio ramp neu risiau i fynd i mewn i’r ystafell de ar lawr gwaelod y tŷ; mae mynediad gwastad ymhob rhan o’r ystafell de
Ymddiheurwn fod yr arddangosfa gwenyn mêl ar lawr uchaf y bwthyn trwy res o risiau cyfyng.
Mae toiled sy’n cynnig mynediad i’r anabl yng nghefn yr adeilad, ar agor pan mae’r ystafell dê ar agor.